ປະຫວັດຄວາມເປັນມາ

          ປະຫວັດຄວາມເປັນມາຂອງວິທະຍາໄລເຕັກນິກລາວ - ເຢຍລະມັນ      

                    ວິທະຍາໄລເຕັກນິກລາວ-ເຢຍລະມັນ ເປັນວິທະຍາໄລອາຊີວະສຶກສາແຫ່ງໜຶ່ງທີ່ມີຊື່ສຽງໃນການສ້າງກຳລັງແຮງງານທີ່ມີຄຸນນະພາບ, ທັກສະສີມືທີ່ດີ ເປັນທີ່ຍອມຮັບຂອງສັງຄົມ, ຜູ້ຊົມໃຊ້ ແລະ ສະຖານປະກອບການ ທັງພາຍໃນ, ພາກພື້ນ ແລະ ສາກົນມາໄດ້ຍາວນານຫລາຍກວ່າ 60 ປີ ມາແລ້ວ.

                 •  ນັບແຕ່ປີ 1964 ສະຖານທີ່ແຫ່ງນີ້ໄດ້ສ້າງຕັ້ງເປັນບ່ອນຝຶກອົບຮົມຊ່າງສີມືໃຫ້ແກ່ຊາວໜຸ່ມລາວ ໂດຍການຮ່ວມມືລະຫວ່າງ  ລັດຖະບານລາວ ແລະ ລັດຖະບານສາທາລະນະລັດ ສະຫະພັນເຢຍລະມັນ ໃຫ້ຊື່ວ່າ: 

          “ ໂຮງຮຽນມັດທະຍົມການຊ່າງລາວ-ເຢຍລະມັນ ”.

  ໃນປີ         •  ໃນປີ 1975, ຫຼັງຈາກໄດ້ຮັບການປົດປ່ອຍເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ມີການປ່ຽນແປງ ແລະ ປັບປຸງສະຖານທີ່ແຫ່ງນີ້ໃຫ້ກາຍເປັນບ່ອນຝຶກອົບຮົມຊ່າງສີມືໃນພາກອຸດສາຫະກຳ ແລະ ໄດ້ປ່ຽນຊື່ມາເປັນ

          “ ໂຮງຮຽນການຊ່າງຊັ້ນກາງວຽງຈັນ”.

                •  ໃນປີ 1993 ໄດ້ຮັບການສະໜັບສະໜຸນ ພາຍໃຕ້ໂຄງການອາຊີວະສຶກສາ ແລະ ຝຶກອົບຮົມວິຊາຊີບ ລາວ-ເຢຍລະມັນ ແລະ ໄດ້ປ່ຽນຊື່ມາເປັນ: 

          “ ໂຮງຮຽນເຕັກນິກລາວ-ເຢຍລະມັນ ”.

               •  ໃນປີ 2015 ໄດ້ມີການປັບປຸງພື້ນຖານໂຄງລ່າງຂື້ນຕື່ມ ພ້ອມໄດ້ພັດທະນາຂື້ນປ່ຽນຊື່ເປັນ: “ ວິທະຍາໄລເຕັກນິກລາວ-ເຢຍລະມັນ ” ຈົນເຖິງປັດຈຸບັນ. 

              •  ໃນວັນທີ 18 ທັນວາ 2020 ໄດ້ມີການເປີດນຳໃຊ້ວິທະຍາເຂດໃໝ່

              •  ໃນປັດຈຸບັນ, ວິທະຍາໄລເຕັກນິກລາວ-ເຢຍລະມັນ ມີ 2 ວິທະຍາເຂດຄື:

                  - ວິທະຍາເຂດຫຼັກ 3: ຕັ້ງຢູ່ບ້ານວັດນາກ, ເມືອງສີສັດຕະນາກ, ນະຄອນຫຼວງວຽງຈັນ

                  - ວິທະຍາເຂດຊຽງດາ: ຕັ້ງຢູ່ບ້ານຊຽງດາ, ເມືອງໄຊເສດຖາ, ນະຄອນຫຼວງວຽງຈັນ